من انتم؟.....من انتم ؟؟؟؟ احنا الثورة المضاده الي الامااااام الي الاماااام (مع الاعتذار لقائد المحششين الافريقي)

لا ينكر احد ان الثورة قد اطاحت بمبارك و هذه هي الحقيقه الاكيده في كل ما حدث و عن استحاله عودته مرة اخري او نجله جمال مبارك بعد ان كانت اغلب تصورات المصريين انه قادم قادم لا محاله .و لكن لا ينكر احد انه يعمل جاهدا هو و من حوله علي الخروج من مازق الثورة باقل خسائر ممكنه و قد نجح حتي الان بجداره حيث لعب لعبته الشهيره فرق تسود علي طريقه الامن المركزي اللي بيقري يجي يمين و اللي مش بيقري يجي شمال  و لكن في صورة اللي مسلم يقول نعم و اللي مسيحي يقول لا و ضاع اول استفتاء حر في مصر و نزيه مع وجود الكثير من المظاهر الايجابيه في الانتخابات منها وقوف رئيس الوزراء في الصف وسط  المواطنيين لاعطاء صوته او الهجوم علي محافظ القاهرة عند تخطي الطابور علي طريقه قبل الثورة نظام وسع يا ابني دة المحافظ مش فاضلكم  الخلاصه ان الاستفتاء انتهي و السلام و اختار الناس نعم و بذلك لقد اختار المصريين لعبه بناء دوله مصر و نقل السلطه و تكونها طبقا لقواعد المؤسسه العسكريه التي كانت في وضع محرج طوال الفترة السابقه لان مطالب الثورة الاساسيه كانت مجلس رئاسي من مدنيين و قائد عسكري لادارة شئون البلاد و لكن المجلس فعل كل المطالب تقريبا ماعدا هذا الطلب لانه يعرف ماذا يعني ؟!

الان ارجو التركيز في الاخبار التاليه ارجوكم و استنتاج ما يحدث

 1- استقاله صفوت الشريف و اتباعه من الحزب الوطني و تكوين حزب الحريه  

2-موافقه الحزب الوطني علي الاستفتاء بنعم مع الاخوان المسلميين لاول مرة في تاريخ مصر

3-انهاء عمل اللواء طارق المهدي و تعيين سامي الشريف رئيسا لاتحاد التلفزيون بعد ان اعلن في 4 ايام من تولي منصبه توفير 90 مليون جنيه تصرف في الميزانيه بدون لزوم .

4-النائب العام يدرس و خدوا بالكوا من يدرس دي   النائب العام يدرس عرض سداد 2 مليار و375 مليون جنيه من 6 رجال أعمال متهمين .(كما ورد بالخبر) اعتقد انه نداء الي اصحاب القلوب الرحيمه اكثر منه دراسه 

5- اعتداء ناس بذقون علي البرادعي و جميله اسماعيل في مكانين متفرقيين في نفس التوقيت صباحا 

ماذا تشعر الان ؟! هذه الاخبار ليست من تخيلي تستطيع ان تبحث في موقع جوجل و

 تري هذه الاخبار قد نشرت علي مصراوي و الدستور الاصلي و مواقع و جرائد كثيره 

.الخلاصه انك تكاد تري الايدي الخفيه و هي تلعب تكاد تري الفساد و الثورة المضادة.

طيب يا عم ايه الحل؟هو كل واحد يقول ثورة مضاده احنا حنخلص من الوش بتاع 

الثورة المضادة دة امتي؟

اقولك امتي  لما الناس يبقي عندها ثقافه سياسيه و تختار صح  مش تختار علي اساس

 ديني لان اي حد  يقولك اختار دة علشان خاطر ربنا اكيد حتختاره و دورك انك تفهم

 عم محمد البواب و عم سيد المكوجي و عم احمد بتاع السوبر ماركت و الاهم قري

و عزب الفلاحيين البسطاء لازم الناس دي حد يروحلهم يفهمهم يا جماعه الناس دي قوة 

عداديه لا يستهان بيها و تقلب موازين اي انتخابات علشان كدة انا شجعت اقتراح احد

 الاشخاص من اصدقائي عن عمل دورات و النزول الي مناطق ريفيه لشرح يعني ايه

 ليبراليه و اشتراكيه و راس ماليه لازم الناس تفهم ان في حاجه اسمها دستور و قانون

 لازم كلنا نمشي عليه .

ثانيا من اهداف الثورة المضاده انك تفرق تسد علشان كدة بلاش الحرب ضد جماعه 

الاخوان هما صحيح استقطبوا و استغلوا بساطه الناس باسم الدين بس مش عاوزين 

نبقي مختلفين عاوزين نبقي ايد واحدة يكفي ان علي مدي تاريخ الفضائح و الفساد 

البرلماني انك لم تسمع عن عضو اخوان باع قطعه ارض لحسابه او مثلا هرب سلاح 

او ادخل بودرة فياجرا علي انها بودرة سراميك و لابسها لواحد تاني او مثلا كان قاعد 

في صاله قمار او تهرب من دفع جمارك موبيلات ادخلها خلسه الخلاصه عاوزين

 نستفيد منهم و من تنظيمهم كصمام امان لو قدر الله برجوع الفساد مرة اخري و بلاش

 مبداء فزاعه الاخوان اللي تغني بيه النظام علي الغرب لان زي ما كان في ناس قالت

 نعم في الاستفتاء علشان الاسلام و المادة التانيه في ناس قالت لا علشان جماعه

 الاخوان و بصراحه الطرفيين فعلا جهلاء هذا رايي عن اقتناع .

اخيرا ................تمرير السلطه هذا هو اهم نقطه الكثير يتسائل لماذا لم يري مبارك 

او نجله في ترنج السجن زي عز و جرانه و الناس دي و الاجابه طبعا حاجه من اتنين 

يا مبارك و اسرته بريئه  (ارجوك بلاش تضحك احنا مش بنهزر هنا) او ان التعتيم و 

ارادة السلطه لم ترد محاسبه مبارك لذلك عند انتقال السلطه من العسكر الي المدنيين 

مرة اخري يجب ان تنقل في ايد امينه لانها اخر مرحله لذلك بناء علي ما سبق اتوقع

 الاتي :

عمل تلميع اعلامي رهيب لعمرو موسي لانه الورقه الاخيره للنظام السابق و دخوله 

رئيس للجمهوريه  (ابحث في عقلك عن اي موقف ايجابي لعمرو موسي مش حتلاقي

 حتي لو دورت في جوجل مش عقلك )

زيادة التركيز علي اساءه اشخاص مثل البرادعي لما يمتلكه من شعبيه وسط الشباب و

 المثقفيين فقط و ليس المواطن المصري العادي (مثل انه هو السبب في موضوع امريكا

 و العراق و بنته و هو بيشربوا خمري و انه موالي لنظام ايران و الكلام البتنجاني ده)

التعتيم علي شخصيات نظيفه مثل حمدين صباحي و القاضي هشام بسطويسي و غيره

علشان كدة لازم تحارب دة  انك تقري تفهم تشوف تاريخ الناس دي انا عن نفسي

 اعلنت اني حرشح القاضي هشام بسطويسي انشاء الله و دورت في تاريخه و حفهم

 غيري انه انسان محترم و اسمع برنامجه و اتجاهاته و حفهم غيري دة دورك علشان

 تحارب الثورة المضاده مش حقولك موت في الميدان زي الشهداء  .   الشهداء الذين

 حتي الان لم نسمع عن اعدام اي قاتل قام باراقه دمائهم . 

                                                                      وليد الثورة