جمعه المكرونه بالباشميل
الجمعه 27-7-2011 ....جمعه المكرونه بالباشميل او كما صرحت الجرائد و القوى السياسيه جمعه لم الشمل (بتسكين الميم ) حيث خرجت جموع الشعب المصري منهم السلفي او الاخوان او ليبرالي او بائع كشري يتمني مكسب في هذا اليوم ....او مواطن ليس له اي انتماء للقوي السياسيه ..مواطن مصري ليس ذو اي ميول ..و دائما الجميع يتحدث باسمه ..في العصر المباركي القديم كان مبارك يتحدث باسم الشعب كله و كان البعض يهلل و البعض يصمت و البعض يصدق ..نعم يصدق و الله العظيم كان الكثير يقتنع و كنت فاقد الامل منهم ..هؤلاء الاشخاص هم تماما نفس الاشخاص التي تعالت اصواتهم ايام الثورة (اول امبارح يعني)يا جماعه خلي مبارك ياخد فرصته ..لو مبارك مشي البلد حتبوظ.دي كلها 6 شهور و مبارك يخلص مدته.الناس دي هي برضوا الناس اللي رايها مش مع الثوار و ليها تاثير في الراي العام.
المهم خلينا في جمعه الباشاميل..حاليا اري ان الجمعه بها الكثير من نزل للميدان و الشوارع لاثبات ان الشعب لسه ايد واحده و ان الوقيعه بين الشعب و الشعب فشلت.ولكن...........
هناك بعض المظاهر الغريبه ..الكثير من الاعلام السعوديه (مع ان السعوديه مفيهاش ثورة)الكثير من اللافتات المستفزه بالشعارات الدينيه التي تتهم الليبراليين بالكفر و محاربه شرع الله و تحولت جمعه لم الشمل الي مكرونه بالباشميل و بدلا من لم الشمل و التوحد امام المجلس العسكري للمطالبه بمطالب الثورة اصبح الميدان فريقان تيار اسلامي من اخوان و سلف و تيار ليبرالي يستنكر و اشتعلت الحرب .حتي في القنوات الفضائيه شاهد مناقشه بين شباب الثورة و احد الرموز الدينيه
وتخيل الحرب التي اشتعلت و طرق الاستفذاذ .اعتقد ان في مكان ما مبارك او قائد الثورة المضادة مستلقي علي قفاه يضحك ...خطته نجحت بل و حاليا دخل المرحله التانيه عن طريق العمليات التفجيريه في العريش و قريبا بالقاهرة و الاسكندريه ثم تجد نفس الشعب الذي طلب بحل جهاز امن الدوله سوف يطالب بعودته .و بعد اقصاء الثوار من الثورة يتم التخلص من التيار الاسلامي عن طريق اللعبه القديمه لعبه الارهاب .
اذا كنت من الاخوان و تريد دليل علي الهبل اللي انا بقوله اتفضل
المجلس العسكري بيقول ان الاخوان حلويين و الاخوان نفسهم بيقولوا ان المجلس زي السكر
طيب بقي امريكا اللي بتتعامل مع المجلس العسكري باوراق مكشوفه بتقول ايه؟
طيب ايه العامل المشترك...؟؟؟ طبعا المجلس العسكري ....بيلعب علي الاطراف كلها و الدليل اتفضل
و من حق الكبير يدلع لان دي سياسه و المصالح اهم لكل جهه او مؤسسه او حزب او جماعه....طيب و المصري العادي اللي زي و زيك ..انا عن نفسي مش اخوان بس بايدهم في نزهتهم و لا سلفي بس بايدهم في تطبيق شرع ربنا و لا ليبرالي بس بايدهم في حقوق الانسان و الديمقراطيه بس اكيد اكيد انا مش عسكري و مش بايدهم في ضرب الثوار في الجامعات او كشف العذريه او الاحكام العسكريه علي الاخوان زي خيرت الشاطر ..طيب اروح لمين و فين ؟ اقولك...عاوز الحق ؟ارمي المكرونه بالبشاميل في الزباله و اشرب زبادي في الخلاط.لان مصر ممكن تتسع للجميع ..بس محتاجه واحد صنايعي بيعرف يعمل زبادي خلاط ..يعني بلغه السياسه رئيس.
ليست هناك تعليقات:
إرسال تعليق