ملحوظه:تم تغيير الراي بعد مناظرة حمدين و عدم اعترافه بمجزرة رابعه و حاليا موقفي الشخصي هو المقاطعه ... و لكن لازال الفيديوهات التي تشرح ما حدث و طريقه تفكير الاخوان مهمه للمشاهده .
قبل ان تتجاوز المقاله علشان العنوان اللي مش عاجبك .. تعالي اولا نقول ليه لازم تشارك في الانتخابات المسرحيه .... و بالشرع مش مجرد اعتقاد ..... اولا لازم تعرف اني مش مقتنع بحمدين صباحي ممكن كنت شايفه من اول جوله في انتخابات الرئاسه الله يرحم ايامها لما كان مفيش عسكريين و اغلب ال13 مرشح مدنيين و مكنش حد عارف مين الرئيس.... و اعرف ناس منهم واحد صحبي من بتوع الشرعيه و ارجع يا مرسي كان شايل وقتها بوستر لحمدين علي عربيته (لامؤخذة السياح واجب هنا يا هيثم :) )
المهم .. تعالي نرجع خطوات من ايام تولي مرسي الحكم .. مش حقولك ان مرسي كان منسق مع المجلس العسكري .. و لا حقولك ان الاخوان نفسهم كانوا بيقولوا ان الجيش و الشرطه اجدع ناس ..... و لا حقولك الاخوان بعونا في محمد محمود :) ولا حجبلك دعواتهم لسيسي ايامها انه يبقي مشير (ايام السيسي ماكان مخوبر مرسي ومطلع اشاعه ان خاله من الاخوان ) انا حتكلم في اساس الموضوع....... الشريعه و بناء الخلافه ... مش دي حلم الاخوان ؟ ولو فتحتوا عقولكم شويه حتفهموا ان كل مسلم نفسه في دة حتي لو بطريقه غير مباشرة ... مين انا بقي علشان اتكلم عن تطبيق شرع الله و الخلافه ... انا بقي بستشهد بالدكتور اياد القنيبي لو عاوز تعرف مين هو ادامك النت ..هو كان في السجون و اسير لنظام مبارك عموما انا عاوزك تبتدي بالفيديو دة
دة ايام مكنتوا بتعملوا مظاهرات البتنجان والشريعه ... الكوسه والشريعه ... اي حاجه و معاها الشريعه ...
طبعا من ينصر الشريعه الله وعد بنصره .. ولكن انتم لم تنصروها او قادتكم لم ينصروها هذه هي الحقيقه المؤلمه التي لا تريدوا مواجهتها ...طبعا احتمال ماتكملش و تقول كلام الدكتور اياد نصه فيه قيل و قال... حقولك طيب تعال اسمع قول الحق من فم هذا الرجل
من الفيديو دة ايام كتابه الدستور ....
كل كلمه قالها حصلت بعد كدة ... و اترفع مرسي و اللي مع مرسي و جه يوم 30/6 اسمع بقي كلامه عن اليوم دة
طبعا محدش سمع الكلام و حصل اللي الشيخ الدكتور اياد قاله ... اتشال مرسي و جه يوم التفويض .. دة كان رايه الصريح ...
و دة علشان متقولش ان الراجل تبع السيسي ولا حاجه ....يا من تفوضون الحرب علي الارهاب
و ركز اوي في موضوع بتاع النزول علشان مرسي..........والحته بتاعت اذاتهم و ااذت المشروع الاسلامي معهم ...
والفيديو دة ايام احداث العباسيه تحت عنوان و نصحت لكم .... و نصحت لكم من قبل ....
طيب و بعدين ... ايه علاقه حمدين بكل دة...... اقولك يا سيدي ... بس انا كنت عاوز افهمك انت كنت ايه علشان تفهم انت ليه حتعمل كده
الفيديو دة خلاصه المقاله .... يا اهل مصر تعالوا نضمد الجراح
نخرج منه ان اختيار حمدين و الكف عن مظاهرات الشرعيه و مرسي اقصر الطرق لعوده الدعوة لان نجاح السيسي معناه ان الاسلاميين حيتنفخوا رسمي فهمي نظمي .. يكفيك عبره باللي بيحصل حاليا.... و برضوا حتاثروا علي الدعوة .... ...
مع حمدين في امل ضعيف جدا .. هو ضعيف بس امل ...... عاوز تمشي في طريق المقاطعه براحتك .. بس دة مش في صالحك .... حتقولي ان الانتخابات مترتبه للسيسي .... حقولك هما عاوزين احباط للناس علشان مش تشارك و يزوروا هم براحتهم و التلفزيون بقي يقول انها نزيهه و يصور طوابير .. و لك في الدستور الاخير عبرة .... حتقولي حمدين عرص .... و احتمال لو نجح يعرص للعسكر.... حقولك دة احتمال وارد جدا بس يكفيك انك حرقت واحد زي السيسي لانه مينفعش يرجع وزير دفاع تاني.. دة غير انك تقدر تطالب حمدين بالحريات لكن السيسي حتتاخد بقانون الارهاب .. طيب افرض انك انتخبت حمدين وبرضوا زوروها لسيسي .. حقولك يبقي انت عملت اللي عليك.
الرسول عليه الصلاة و السلام لما كان بيعرض عليه حاجه كان بيختار اسهلهم ... المقاطعه صح مش غلط بس اختيار حمدين حيمنع الكثير من الظلم و القتل اللي ممكن يحصل .... و اخيرا بقولك لو حزب النور شايف ان السيسي مرشح اسلامي انا بقي شايف حمدين من اجل الشريعه :)
سذاجة منقطعة النظير يا وليد
ردحذفيا بني سواء نجح حمدين أو السيسي حيكون بالتزوير و بأمر العسكر و لمصلحتهم
حذفو لك في استفتاء الدستور بتاع يناير عظة و عبرة لما حضر 5 مليون بس نبيل صليب أعلن حضور 20 مليون
ثم بفرض نجح حمضين ايه اللي يمنع صدقي صبحي يخليه طرطور و يتحكم فيه و هو على راسه بدل البطحة ألف
و ايه اللي يمنع إن حمدين لو عمل دكر و حب يحارب الفساد ما تتكررش معاه قصة مرسي و الإعلام يفشخه و يتم إرهاق نظامه بالأزمات المفتعلة و البنزين و الكهرباء و بلاوي غيرها و بعد سنة العسكر يقلبوه بمظاهرات شعبية برضه :)
بص يا وليد مفيش حلول وسط
لنبقى عبيد للعسكر لنسقط الإنقلاب
انت غلبان يا وليد لو تخيلت ان دي مصلحة للدعوة
قالها الإخوان في 1954 و رفضوا الصدام مع عبد الناصر حقناً للدماء و هو كان لم يتمكن من السيطرة على البلد لسه فلما تمكن دمرهم و لبس البلد في نكسات متوالية و سالت الدماء بحوراً مش أنهاراً
مقاومة الطغيان في بدايته مهما كانت الخسائر أفضل من تركه يستقر و يتمكن
ثم ايه الغرض من الدعوة ؟
مش المفروض في يوم الدعوة دي توصل للحكم و تقيم شرع الله تدريجياً و لا مكتوب عليها دائماً ترضى بفتات موائد كلاب العسكر
طيب وليه ماتتوقعش ان حمدين يطلعقر ويطرق الحديد وهو ساخن
حذفاعتقد انك مقرتش و شوفت اللي في المدونه كويس .... الدعوة موصلتش علشان مفيش اخلاص فيها
ردحذفانا مش ضد المقاطعه .. بس زي ما قولت الاثنين نفس النتيجه ...بس حمدين اقل شويه و دة اضعف الايمان... وانا بكلم اصحابي شخصيا بمعني .. تنزل تاخد رصاصه او تتسجن ولا تحاول توقع السيسي باضعف الايمان لو عاوز انزل محدش منعك
وبعدين الفيديو واضح ..... سقوط العسكر مش معناه صعود الاسلاميين لازم الناس تبقي عاوزة دة اتفرج تاني علي اخر فيديو و افهم كل كلمه بجد
ثانيا بدايه المدونه بتشرح وجه نظر الدكتور في الاخوان فبلاش تقولي اخوان وعبد الناصر
بالنسبه للجزء بتاع التزوير انا كاتبه اصلا انك علي الاقل عملت حاجه ... دة غير ان المقاطعه بتسهل التزوير لكن المشاركه بتصعبه.... كلامك بيثبت كلامي لان لو الكتله 50 مليون و الاخوان شاركوا مش حيعرف يكبرها اكتر من كده
و الدستور ملهوش صاحب لكن الشباب المؤمن بحمدين حتي لو هو نفسه معرص حيحاول يحارب التزوير...
الله ينور ياويد
حذف